धाकट पिल्लू

Not at home

जरा बरं नसेल तर…

फोरेन ची मंडळी

एक बटण पुरतं

Happy Women's Day!!!

स्त्री एव्हरेस्ट वर, स्त्री अंतराळात 

स्त्रीची जागा स्वयंपाकघरात?

स्त्री शेतकरी, स्त्री इंजिनियर

 स्त्री ने परतावे अंधार झाल्यावर?

स्त्री समाजसेवक, स्त्री पत्रकार 

स्त्री ने सांभाळावे फक्त घरदार?

स्त्री स्वातंत्र्य, स्त्री चे खूळ 

स्त्रीच साऱ्या कलहाचे मूळ?

स्त्री पालक, स्त्रीचाच संग,

स्त्री जन्माने अपेक्षाभंग?

स्त्री खेळाडू, स्त्री नृत्यांगना 

स्त्रीच चाळवते पुरुष वासना?

स्त्री आधुनिक, ती स्त्री चवचाल,

स्त्रीच ओढवून घेते अत्याचार?

स्त्रीलाच नियम, स्त्रीलाच बंध

मोकाट समाज अंदाधुंद?

स्त्री हो निर्भय, स्त्री हो सक्षम 

निर्धाराने कर मन भक्कम 

बदल योग्य ते करून अवश्य,

तूच घडव तुझं भविष्य 

शक्ती आंतरिक जाणुनी स्त्री दिनी,

समर्थ हो तू आजपासुनी 

Happy Holi

तनु आणि कृष्ण

तनुला पडतात खूप सारे प्रश्न
सारे बाप्पा मोठे मग छोटा कसा कृष्ण?

कृष्णाच्या घरात खूप सार्या हम्मा
भूभू आणू म्हटलं तर ओरडते मम्मा

कृष्णाची मुरली गोड गोड वाजे
आम्ही वाजवली कि बंद दरवाजे

दुध लोणी खाणारा कृष्ण गुड बोय
कित्ती वेळा सांगू मला नाही आवडत साय

कृष्णाला मिळतं सुंदर मोराचं पीस
दिसत नाही मोर इथे कबुतरंच तीस

कृष्णाला नव्हता अभ्यास, नुसतीच मज्जा
अरे, तुझ्या घरी मला स्वप्नात तरी घेऊन जा

Problem of plenty

एकाच कपाटात मावत पाच जणांचे कपडे
भिंतीवरच्या मांडणीत डबे, पातेली, कुंडे
हल्ली मात्र सामानाने भरून वाहताहेत घरटी
आवरता आवरता प्राण येतो कंठी- आपल्याही घरात problem of plenty

फार पूर्वी नव्हतीच म्हणे चपला घालायची पद्धत
नंतर घरात जेवढी माणसे, तेवढेच जोड दिसत
घेतो नवे जोड हल्ली प्रत्येक ऑकेजन साठी
घालू कुठले ठरवताना प्राण येतो कंठी- आपल्याही घरात problem of plenty

ज्याच्या घरी फोन, त्याला नसे आराम 

लेंडलाईन एक, करी सार्यांचे काम 

हल्ली एका मोबाईल मध्ये तीन सीम ची घंटी 

घेऊ? नको? ठरवताना प्राण येतो कंठी- आपल्याही घरात problem of plenty

घरी एक टीव्ही, एकच फक्त दिसे दूरदर्शन
मोजकेच कार्यक्रम पण त्यांचे मोठे आकर्षण
विश्वरूपदर्शन होते आज सर्व चैनल वरती
काय पाहू ठरवताना प्राण येतो कंठी- आपल्याही घरात problem of plenty

उंचावतो राहणीमान आपण वाढता मिळकत
थोडीही गैरसोय मग मुळीच नाही खपत
चिडचिड नि ताण तणावच त्याने वाढतात शेवटी
समाधान शोधता शोधता प्राण येतो कंठी- आपल्याही घरात problem of plenty

कमी असतानाही घरात होते समाधान
नवे काही मिळता आनंदाला येई उधाण
भूतकाळाच्या आठवणींनी आपण होतो senti
कालचक्राची चाके आता फिरतील का उलटी? - आपल्या घरात आता problem च plenty