तनु आणि कृष्ण

तनुला पडतात खूप सारे प्रश्न
सारे बाप्पा मोठे मग छोटा कसा कृष्ण?

कृष्णाच्या घरात खूप सार्या हम्मा
भूभू आणू म्हटलं तर ओरडते मम्मा

कृष्णाची मुरली गोड गोड वाजे
आम्ही वाजवली कि बंद दरवाजे

दुध लोणी खाणारा कृष्ण गुड बोय
कित्ती वेळा सांगू मला नाही आवडत साय

कृष्णाला मिळतं सुंदर मोराचं पीस
दिसत नाही मोर इथे कबुतरंच तीस

कृष्णाला नव्हता अभ्यास, नुसतीच मज्जा
अरे, तुझ्या घरी मला स्वप्नात तरी घेऊन जा