स्त्री एव्हरेस्ट वर, स्त्री अंतराळात
स्त्रीची जागा स्वयंपाकघरात?
स्त्री शेतकरी, स्त्री इंजिनियर
स्त्री ने परतावे अंधार झाल्यावर?
स्त्री समाजसेवक, स्त्री पत्रकार
स्त्री ने सांभाळावे फक्त घरदार?
स्त्री स्वातंत्र्य, स्त्री चे खूळ
स्त्रीच साऱ्या कलहाचे मूळ?
स्त्री पालक, स्त्रीचाच संग,
स्त्री जन्माने अपेक्षाभंग?
स्त्री खेळाडू, स्त्री नृत्यांगना
स्त्रीच चाळवते पुरुष वासना?
स्त्री आधुनिक, ती स्त्री चवचाल,
स्त्रीच ओढवून घेते अत्याचार?
स्त्रीलाच नियम, स्त्रीलाच बंध
मोकाट समाज अंदाधुंद?
स्त्री हो निर्भय, स्त्री हो सक्षम
निर्धाराने कर मन भक्कम
बदल योग्य ते करून अवश्य,
तूच घडव तुझं भविष्य
शक्ती आंतरिक जाणुनी स्त्री दिनी,
समर्थ हो तू आजपासुनी
No comments:
Post a Comment