valentine साठी

घेऊन गेलो आईसाठी
मोगर्याची सुंदर वेणी
आई म्हणाली काय हवय ?
मोबाईल रिचार्ज कि पोकेट मनी?

ताईसाठी घेऊन गेलो
चोकालेटचा मोठा डबा
म्हणे सूर्य उगवलाय कुठे?
काढा मला एक चिमटा

बाबांच्या हातात दिले
एक जोडी कफलींक
हरवलीस वाटत? बाबा म्हणे
टाय डे ला टाय पिन

आजोबांच्या हातात दिली
चष्म्यासाठी नवी दोरी
म्हणे, खोटं बोलायला सांगू नकोस
वेळेवरच यायचंय घरी

आजी दिसताच हातात दिला
गुलाबांचा लाल गुच्छ
म्हणाली, नाटक नकोय, दे तिलाच
आणि सांगून टाक सारं स्वच्छ

valentine साठी आणल्या होत्या
प्रेमाच्या या खास भेटी
घरातल्यांच उलटंच सारं
वाटे सर्व मतलबा पोटी

पोकेट मनीतून टायपिन घेतली,
ताईला पटवलं उशिरा साठी
आजीकडचा गुच्छ घेऊन
मग धावत गेलो तिच्याचपाठी