तारण

सुकली शेते, आटली तळी, अंगाची लाही लाही
मुदत संपली - निसर्ग म्हणतो, आता खात्री देत नाही

फोडले डोंगर, तोडले वृक्ष, सिमेंट जंगल ठाई ठाई
balance नाही - निसर्ग म्हणतो, आता खात्री देत नाही

धन्यानेच गिळल्या विहिरी, धरणांनाही कागद खाई
package नाही - निसर्ग म्हणतो, आता खात्री देत नाही

आपल्यापुरतेच पहिले फक्त, न करता विचार काही
विश्वास नाही - निसर्ग म्हणतो, आता खात्री देत नाही

हिरवेगार डोंगर- झाडी, नद्या स्वच्छ आणि प्रवाही
तारण ठेवा - निसर्ग म्हणतो, नाहीतर पुन्हा पाऊस नाही