वजनकाटा पाहून यांनी, केला डाएट प्लान
यादी यांची वाचून, ऐकून, माझा चेहरा म्लान
यादी यांची वाचून, ऐकून, माझा चेहरा म्लान
साखर नको, गहू नको, नको तेल मिरची
ओट, ब्रोकोली, सिरीयलसाठी दुप्पट पैसे खर्ची
ओट, ब्रोकोली, सिरीयलसाठी दुप्पट पैसे खर्ची
डाएटग्रस्त नवरा नि घरची दोन वाढती पोरे,
तळले, भाजले, उकडले जरी, क्यालरी मोजती सारे
तळले, भाजले, उकडले जरी, क्यालरी मोजती सारे
दर दोन तासांनी म्हणे खायचे असते थोडे
बुटान्वाचून अडलेय अजून प्रभातफेरीचे घोडे
बुटान्वाचून अडलेय अजून प्रभातफेरीचे घोडे
चहा कॉफी सोबत आता मी काढत असते ज्यूस
दोन नाश्ते, दोन जेवणे, सारखे स्वयंपाकघरात घूस
दोन नाश्ते, दोन जेवणे, सारखे स्वयंपाकघरात घूस
भाज्या, फळे, धान्य पिशव्या उचलून, निवडून, दळून
कर्तव्याला चुकत नाही, आदर्श बायको म्हणून
कर्तव्याला चुकत नाही, आदर्श बायको म्हणून
हल्लीच लक्षात आलंय माझ्या, यांचं अर्धवट काम
डाएट सगळं माझ्यावर आणि सोडून दिलाय व्यायाम
डाएट सगळं माझ्यावर आणि सोडून दिलाय व्यायाम
पण बाजाराला जाऊन येऊन, उचलून वाढीव वजनं
घरचा वजनकाटा होतोय, हळूहळू मलाच प्रसन्न.
घरचा वजनकाटा होतोय, हळूहळू मलाच प्रसन्न.
