मडक्याला आकार दिल्यानंतर
हातावरचा मातीचा राप स्वच्छ धुवून
धगधगत्या भट्टीत ते सहज भाजायला देणं
जमेल का कधी?
हातावरचा मातीचा राप स्वच्छ धुवून
धगधगत्या भट्टीत ते सहज भाजायला देणं
जमेल का कधी?
नाजूकसा दागिना घडवताना
हातावरच्या दाहाची लाली विसरून
दागिन्यांचे कंगोरे अलिप्तपणे न्याहाळणं
जमेल का कधी?
हातावरच्या दाहाची लाली विसरून
दागिन्यांचे कंगोरे अलिप्तपणे न्याहाळणं
जमेल का कधी?
छिन्नीचे नेमके घाव घालून
नको असलेल्या दगडाला बाजूला केल्यानंतर
घडवलेले सुरेख शिल्प लोकार्पण करणे
जमेल का कधी?
नको असलेल्या दगडाला बाजूला केल्यानंतर
घडवलेले सुरेख शिल्प लोकार्पण करणे
जमेल का कधी?
आपल्याच पोटच्या पिलावर
प्रेमळ शिस्तीचा, सद्वर्तनाचा संस्कार करून
त्याला घरट्याबाहेर उडताना निरपेक्षपणे पाहणे
जमेल का कधी?
त्याला घरट्याबाहेर उडताना निरपेक्षपणे पाहणे
जमेल का कधी?
No comments:
Post a Comment