फू बाई फू

फू बाई फू, फुगडी फू
थकला ग जीव कशी सिरियल पाहू ग सिरियल पाहू?

बाळंतीणी झाल्या, गर्भारशी होतकरू,
तरीसुद्धा जान्हवीचे डोहाळेच सुरु - आता फुगडी फू

लाड बायकोचे श्रीही वहावत गेला,
डोहाळे पुरवी, घरी पाणीपुरी ठेला - आता फुगडी फू

एक वाक्य बोलती त्या चार चार वेळा,
दाबावे वाटतो तेव्हा एकेकीचा गळा - आता फुगडी फू

रहस्य, गैरसमज आणि लपवा छपवी,
गोष्ट लांबवण्यासाठी रोज युक्ती नवनवी - आता फुगडी फू

जान्हवी, इच्छा म्हातारीची, जरा ध्यानी ठेवी,
वाटते बाळ दिसो डोळे मिटण्यापुरवी - आता फुगडी फू